Sigurður Ármannsson kennir Illustrator námskeið í byrjun febrúar. Námskeiðið er ætlað þeim sem hafa nokkra undirstöðu í Illustrator en vilja koma sér betur inn í námskeiðið. Sigurður hefur sett upp ítarlega lýsingu á námskeiðinu á heimasíðu sinni www.font.is

Skráning á námskeiðið er sem fyrr með því að smella á linkinn hér til hægri.

Mannaskipta verkefni IÐUNNAR fræðsluseturs er meðal 9 fyrirmyndarverkefna í Leonardo áætluninni.
Annað hvert ár eru veittar gæðaviðurkenningar fyrir Leonardo mannaskiptaverkefni. Nú er komið að því að veita viðurkenningar fyrir Leonardó fyrirmyndarverkefni fyrir árin 2005 og 2006. Það er sérstök ánægja að tilkynna að IÐAN fræðslusetur er meðal 9 fyrirmyndarverkefna fyrir árin 2005-2006 og verða kynnt sérstaklega nýjum bæklingi Leonardo mannaskiptaverkefna.
Alls uppfylltu 55 verkefni skilyrði fyrir þátttöku.

Úrslitakeppni í nemakeppni matreiðslunema fór fram föstudaginn 14. nóvember. Sjö stigahæstu nemarnir eftir forkeppni sl. þriðjudag kepptu til úrslita. Keppendur matreiddu tvo rétti á samtals þremur klukkutstundum, aðalrétt úr þorski og eftirrétt úr skyri. Keppni sjömenningana var mjög hörð og jöfn en sigurvegarar keppninnar voru þeir Ari Þór Gunnarsson nemi á Sjávarkjallaranum og Bjarni Siguróli Jakobsson nemi á Vox.  

Auglýsing um sveinspróf var birt í Morgunblaðinu og Fréttablaðinu sunnudaginn 26. október.

Fjölmennur fundur um stöðu námssamninga í löggiltum iðngreinum var haldinn í húsnæði IÐUNNAR fræðsluseturs föstudaginn 14. nóvember.
Óvissan í efnahagsmálum þjóðarinnar kemur niður á námsmönnum í samningsbundnu iðnnámi eins og öðrum.
Rætt var um möguleg úrræði sem hægt væri að grípa til og ítrekaður réttur nema samkvæmt Reglugerð um námssamninga og starfsþjálfun, nr. 280/1997. Með reglugerð um breytingu nr, 423/2000.
Ákveðið var að vinna áfram að því að leita lausna.

 

Nemakeppnin í matreiðslu hófst í morgun með forkeppni matreiðslunema. Samtals taka 22 nemar þátt í keppninni sem fer fram í Hótel- og matvælaskólanum í Kópavogi. Í forkeppninni fá nemarnir sýniskörfu með matvælum og verkefnið er að búa til fjögurra rétta matseðil úr þeim hráefnum sem eru í körfunni. Sjö hæstu nemarnir taka þátt í lokakeppni matreiðslunema nk. föstudag.

Þann 6. Nóvember voru  niðurstöður tilraunaverkefnisins GEMS - Guidance for Educators, mentors and Students (http://www.leogems.org/) kynntar.  Ólöf Ýrr Atladóttir, Ferðamálastjóri setti ráðstefnuna en María Kristín Gylfadóttir verkefnisstjóri Alþjóðaskrifstofunnar stýrði henni.

Nemakeppnin í matreiðslu og framreiðslu hefst þann 11. nóvember nk. í Hótel- og matvælaskólanum en þá fer forkeppnin fram. Þeir sjö nemar sem standa sig best eftir forkeppnina  í matreiðslu og framreiðslu taka þátt í lokakeppninni sem verður síðar í nóvember.

 

Forkeppni í matreiðslu felst í því að nemendur setja saman matseðil úr gefnum hráefnislista (mystery-basket), reikna út kostnað við matseðilinn og meta framlegð.  

 

Forkeppni í framreiðslu verður með þeim hætti að lagt verður fyrir skriflegt og verklegt próf í bar. Keppendur útfæra og laga drykki eftir að hafa sett saman uppskriftir af drykknum.

Matvæla- og veitingasvið IÐUNNAR styrkir félagsmenn sýna til endurmenntunar eftir ákveðnum reglum. Félagsmenn geta fengið allt að 30.000 kr. ári í styrk til endurmenntunar. Sjá reglur um styrki til endurmenntunar.

Undirritaður hefur verið samningur á milli IÐUNNAR fræðsluseturs og Starfsafls, starfsmenntar Samtaka atvinnulífsins og Flóabandalagsins. Samningurinn gerir iðnfyrirtækjum kleift að senda alla starfsmenn, jafnt iðnaðarmenn sem almenna starfsmenn Flóabandalagsins á námskeið IÐUNNAR og greiða fyrir það lágmarksgjald samkvæmt gjaldskrá IÐUNNAR. Starfsafl greiðir mismun félagsgjalds og almenns námskeiðsgjalds fyrir félagsmenn Flóabandalagsins (Eflinga, Hlífar og VSFK).

Fyrirtæki í matvæla- og veitingagreinum á Akureyri voru heimsótt í vikunni. Kynning fór fram á þjónustu matvæla- og veitingsviðs og IÐUNNAR. Nemamál og nýliðun í greinunum var rædd og símenntun í greinunum. Að þessu sinni voru fyrirtækin Bakaríið við brúna, Kristjánsbakarí, Norðlenska, Kjarnafæði, Hótel Kea, Strikið og Bautinn heimsótt. 

Í tilefni af heimsókn IÐUNNAR í fyrirtæki og skóla norðurlandi var boðið til móttöku á efstu hæðinni á Strandgötunni á Akureyri. Ferð IÐUNNAR hefur tekist mjög vel og fjöldi fyrirtækja og skóla hefur verið heimsóttur. Mikilvægar upplýsingar hafa fengist í ferðinni sem verið er að vinna nánar úr. Skólafólk og fagmenn úr greinunum sem tengjst IÐUNNI mættu í móttökuna á Strandgötunni sem tókst með ágætum.

Starfsmenn IÐUNNAR fræðsluseturs eru þessa vikuna að kynna starfsemi fyrirtæksins á norðurlandi. Í boði eru fjölbreytt námskeið og þjónusta fyrir félagsmenn IÐUNNAR. Starfsmenntadeildin kynnir þjónustu fyrirtækisins við iðn- og starfsnámsnemendur og náms- og starfsráðgjafar IÐUNNAR kynna upplýsingaveitu um iðn- og starfsnám. Í Verkmenntaskólanum á Akureyri fór fram kynning á þjónustu starfsnámsdeildar.   

Keppnin EuroSkills 2008 lauk laugardaginn 20. september. Samtals var keppt í 49 greinum og voru þátttakendur um 400 talsins frá samtals um 30 löndum. Keppnin var skipulögð ýmist sem keppni á milli einstaklinga og liðsveita eða eingöngu sem einstaklingskeppni. Í hársnyrtigreinum var einstaklingskeppni og þar kepptu þær Arnbjörg og Þorbjörg fyrir hönd Íslands. Þær voru báðar fyrir ofan miðju. Sjá nánar niðurstöður á heimsíðu EuroSkills 

EuroSkills keppnin fer fram í Rotterdam dagana 18. - 20. september. Samtals taka um 30 lönd í Evrópu þátt í keppninni og Íslendingar eru þar á meðal. Frá Íslandi taka þær Arnbjörg Jóhannsdóttir og Þorbjörg Bergþórsdóttir þátt í keppni í hársnyrtigreinum. Arnbjörg er nemi á stofunni Lína Lokkafína og Þorbjörg á hársnyrtistofunni Ónix.  

Námsvísir IÐUNNAR kemur út í dag. Að vanda býður IÐAN upp á fjölbreytt námskeið fyrir aðildarfélaga. Meðal nýjunga má nefna námskeið í stjórnun og rekstri. T.d. má nefna námskeið um skuldastýringu og gengisvarnir, birgðastjórnun í iðnaði, framleiðslustjórnun iðnfyrirtækja, gæðastjórnun og móttöku viðskiptavina.

Fyrstu stjórnunar- og rekstrarnámskeið hefjast 15. september en þá hefst námskeið í framleiðslustjórnun í iðnaði.

Björgvin Páll Gústafsson var hæstur á sveinsprófi í bakaraiðn í maí sl. Björgvin lærði hjá Jóa Fel bakarameistara. Björgvin er jafnframt lykilmaður í íslenska landsliðinu í handbolta sem keppir á Olympíuleikunum í Peking.

Ársfundur Matvæla- og veitingasviðs IÐUNNAR fræðsluseturs verður haldinn að Stórhöfða 31, þriðjudaginn 27. maí nk., kl. 15. Þema ársfundarins í ár verða fyrirhugaðar breytingar á Lögum um matvæli en frumvarp þessa efnis liggur nú fyrir á Alþingi. Í frumvarpinu er m.a. gert ráð fyrir því að heimila innflutning á fersku kjöti til landsins. Sigurður Örn Hansson forstöðumaður matvælaöryggis og neytendamála Matvælastofnunar mun kynna helstu ástæður fyrir þessum breytingum og útskýra afleiðingar þeirra fyrir fyrirtæki og félagsmenn í matvæla- og veitingagreinum.  

Sveinspróf í matvæla- og veitingagreinum fóru fram dagana 8. til 15. maí. Samtals þreyttu 34 nemendur sveinspróf að þessu sinni. Í matreiðslu 24, fjórir í framreiðslu, þrír í bakaraiðn og þrír í kjötiðn.

Aðalfundur var haldinn þriðjudaginn 29. apríl sl. á Grand Hótel. Í stjórn IÐUNNAR fræðsluseturs árið 2008 eru:

Aðalmenn:	Varamenn:
Bjarni Thoroddsen SI	Atli Vilhjálmsson BGS
Finnbjörn Hermannsson Samiðn	Erna Hauksdóttir SAF
Georg Páll Skúlason FBM	Heimir Kristinsson Samiðn
Guðmundir I. Skúlason BGS	Haraldur Dean Nelson SI
Hilmar Harðarson FIT	Hákon Hákonarson Samiðn
Magnús Magnússon VM	Ingi Bogi Bogason SI
Níels Olgeirsson MATVÍS	Ingólfur Sverrisson SI
Ragnheiður Héðinsdóttir SI	Stefán Ólafsson FBM
Jón Steindór Valdimarsson SI	Sveinn Ingason FIT
Þorsteinn Víglundsson SI	Þorsteinn Gunnarsson MATVÍS

 

 

 

 

 

 

 

 

 

 

 

 

 

 

 

 

 

Norræna nemakeppnin í matreiðslu og framreiðslu fór fram dagan 18. - 20. apríl í Odense í Danmörku. Fimm lönd taka þátt í keppninni eða Noregur, Svíþjóð, Finnland, Danmörk og Ísland. Löng hefð er fyrir keppninni en hún hófst fyrir 27 árum. Keppnin var hörð að þessu sinni. Ísland lenti í þriðja sæti í keppni matreiðslunema og í fimmta sæti í keppni framreiðslunema. 

 

Iðnaðarráðherra, Össur Skarphéðinsson, setti  Íslandsmót iðngreina kl. 11.00 í dag, 18. apríl í anddyri Laugardalshallarinnar á annarri hæð. Íslandsmótið er nú árviss viðburður þar sem iðnnemar þreyta keppni í sínum faggreinum. Alls keppa um 80 nemar úr 20 greinum. Mótið stendur yfir 18. og 19. apríl. Verðlaunaafhending verður kl. 16.30 19. apríl. Dagskrá mótsins er hér.

Aðgangur er ókeypis og eru allir hvattir til að fylgjast með spennandi og skemmtilegri keppni.

IÐAN fræðslusetur kynnir starfsemi sína á sýningunni Verk og vit 2008 sem tileinkuð er byggingariðnaði, skipulagsmálum og mannvirkjagerð. Þeir sem leggja leið sína til okkar á svæði C12 geta tekið þátt í skemmtilegu netfangahappdrætti. Gestir skilja eftir netföngin sín og þegar sýningunni lýkur verða fimm netföng dregin út. Hinir heppnu fá gjafabréf að upphæð 50.000 krónur. Gjafabréfið gildir sem greiðsla upp í einhver hinna fjölmörgu námskeiða á vegum IÐUNNAR fræðsluseturs.

Haldinn verður fræðslufundur um gerð prófa og námsmat fimmtudaginn 8. maí kl. 15.00-17.30 að Hallveigarstíg 1, 101 Reykjavík. Aðgangur er ókeypis en hvetjum fólk til að skrá sig. Hlökkum til að sjá sem flesta.

Skráning fer fram til og með mánudeginum 5. maí  í síma 590 6400. Nánari upplýsingar veitir Helen Williamsdóttir Gray í síma 594 4023. Einnig má senda tölvupóst á hwg@idan.is (sjá auglýsingu)

 

Kjötmeistararnir Jens Munch og Jan Olsen kynntu aðferðir við framleiðslu á soðnum og hráverkuðum kjötvörum á umfangsmiklu námskeiði fyrir kjötiðnaðarmenn um helgina. Þemað var framleiðsla á Ítölskum kjötvörum, s.s. á paté, skinkum, salami, pylsum bæði soðnum og hráverkuðum, grillpylsum o.s.frv. Samtals tóku yfir 30 kjötiðnaðarmenn þátt í námskeiðinu sem heppnaðist mjög vel og var haldið í samstarfi við Ísam og AVO.

Samtals bættust 23 sveinar við hóp fagmanna í matvæla- og veitingagreinum í dag þegar nýsveinar fengu sveinsbréfin sín afhent. Í tilefni sveinsbréfaafhendingar efndi MATVÍS til hófs til heiðurs nýsveinum sem var hin veglegasta.

Þau Craig Thompson frá CATHM hótelstjórnunarskólanum og Wendy Sylvester frá CarinGorm Mountain afþreyingarfyrirtækinu í Skotlandi komu á fund starfsgreinaráðs í matvæla- veitinga- og ferðaþjónusgreinum og kynntu helstu áherslur og áskoranir skoska starfsmenntakerfisins í hótel- og ferðaþjónustugreinum.

Dagur menntunar í ferðaþjónustu verður haldinn þann 19. febrúar nk. og hefur SAF forgöngu um alla skipulagningu. Þorgerður Katrín Gunnarsdóttir menntamálaráðherra mun fytja ávarp og tveir skoskir fyrirlesarar munu segja frá góðri reynslu tengdri sí- og endurmenntun starfsfólks þar í landi, annars vegar hjá hótelkeðjunni MacDonald og hins vegar hjá afþreyingarfyrirtækinu CairnGorm Mountain í skosku hálöndunum.

Sjá dagskrá fundarins hér.

Spennandi verkefni er hafið. Nú hefur farið af stað samvinnuverkefni við Framhaldsskólann í Austur Skaftafellssýslu um nám í ferðaþjónustu fyrir nemendur skólans. Fyrstu námslotunni er lokið og voru móttökurnar frábærar. Fimm staðbundnar lotur verða haldnar og fara fram á FAS og Hótel Höfn, þar sem öll aðstaða er til fyrirmyndar. Nemendahópurinn var skemmtilegur og áhugsamur um ferðaþjónustu og gera miklar væntingar til áfangans. Þau hafa flest öll unnið við ferðaþjónustu og vilja styrkja sig í starfi. Áfanginn verður kenndur í dreifnámi.